အချစ်ကဗျာလေးတစ်ပုဒ်
မင်းနဲ့အတူ ရေးချင်တယ်
ပထမအပိုဒ်ကို မင်းကရေး
ဒုတိယအပိုဒ်ကို ကိုယ်ကရေးမယ်
တတိယအပိုဒ်ကျ တစ်လှည့်စီပေါ့
မင်းကတစ်ကြောင်း ကိုယ်ကတစ်ကြောင်း
စစ်တုရင်ကို နှစ်ယောက်တွဲ ကစားသလို
စကားတစ်လုံးမှ မပြောရပါပဲ
မင်းရွှေ့ကွက်ကို ကိုယ်ကနားလည်
ကိုယ့်စီမံချက်လည်း မင်းကသိ
စိတ်ချင်းက နီးစပ်လွန်းတော့
အနက်အဓိပ္ပါယ် ပေါ်လွင်
ကာရန်တွေလည်း ထပ်တူကျ
ကိုယ်တို့ကဗျာလေးက မခမ်းနားရင်တောင်
သိပ်လှပြီး ချစ်စရာကောင်းနေမှာ
ကဲ ပထမအပိုဒ်ကို စရေးလိုက်တော့
ကိုယ့် ___ လေးရေ
တီဇက်ကေ
၁၆ မေ ၂၀၂၀
